Liabi Mitglieder
Mir hoffed, iahr händ d Summerferia könna gnüsa und dass iahr alli euri Prüafiga mit grossem Erfolg hinter eu brocht händ!
Es freut üs eu üseri neui events z kommuniziara:
Events Herbstsemester 2023
| 28.09.2023 | Grillplausch Semesterstart 🌭 |
| 29.09.2023 | Völkerball Turnier ASVZ 🏐 |
| 12.10.2023 | Beerpong Turnier 🍺 |
| 26.10.2023 | Bündnertreff 🥳 |
| 16.11.2023 | Bündnerfest 🎉 |
| 30.11.2023 | Glühwein Abend 🍷 |
| 07.12.2023 | Hosting Nachtseminar 🪩 |
Wiiteri Infos findet iahr uf üsera Homepage!
De Monat findet schu 2 Events statt:
Grillplausch Donnerstag 28.09.2023
Zum de start is Semester z fiira fangemr mit en Grillplausch aa! Mir bringed z trinka, ihr bruuched nur guati luuna und öppis für uf de Grill!
Völkerball Turnier ASVZ 29.09.2023
Wia letscht jahr au schu nimmt de Bündnerclub wieder am Völkerball Turnier ASVZ teil. D Aazahl Teilnehmer isch beschränkt, also meldet eu schnell aa, de gschneller isch de gschwinder!
Jetz wo de Vorstand wieder bitz grösser worda isch freued mir üs riesig wieder meh Events organisiara z dörfa. Vorallem z Bündnerfest isch für üs a grossi Gelegaheit zum z Awareness vum Bündnerclub z steigera. Mir sind natürli immer ufd suachi für Helfer*Innen für s Event, also falls ihr Intressa händ könnt ihr eu gern bi üs melda!
Mir wünsched eu alli en guata Start is Semester, und hoffentlich bis bald!
Liaba Gruass
Eura Vorstand
